ناس كتير بتدور على اسم غريب لمدونتهم
بس انا محاولتش اعمل ده
مش عارف ليه
يمكن عشان انا بجد بكره النكد
يمكن...
يمكن عشان ده الحقيقة.؟؟
يمكن....
بس .........
مش بس ولا حاجة
انا بكره النكد
يعنى بكره النكد
انا بحب الضحك والهزار
والكلام العقلانى
من غير فلسفة فاضية
بالمناسبة انا جبت 50 من 50ى فى الفلسفة
ولما اتقدم لخطيبتى اللى دلوقتى هى حامل فى ابننا الأول
لقيته هى كمان كانت جايبة 50 من 50 فى الفلسفة
سبحان الله..حكمتك يارب
وكمان بحب العب كورة
وسلة
وطايرة
وبالمناسبة انا مش حريف فى اى حاجة منهم خالص
بس بحب العبهم
وبحب كمان اروح رحلات
ومصايف
وبحب اخرج مع أصحابى بالدات نادر
وبحب أكل أكل حلو
ومش بحب التفاح اوى
بس باكله لما الاقى حد بياكله
وبحب اكون ناجح
وبحب الناس
وبموت فى الإجتماعيات
وبحب اعزم الناس جدا جدا
وبحب محمد حنفى
ومش بكره النكد بس
انا كما بكره الكوسة والكرشة والكوارع والقرنبيط والخبيزة
ومش بكره الممبار والفشة والطحال
بس مش بحبهم اوى
وبحب اصحابى
وبكره سيد اللى كان صاحبى زمان من 3 سنين
وكنت بحب الأهلى والوقتى عادى مش قوى
وبحب ادخل السينما ساعات
وبحب حاجات كتير اوى
بس بجد
انا بكره النكد
وبكره المعازى
وبحب الأفراح
وبحب أغنية العنب
ومش بحب اتفرج ع المسلسلات عشان معظمها نكد
نسيت اقول
انى بحب شغلى
ومنسيتش انى اقول انى مبحبش حد فى الدنيا أكتر من زوجتى سارة وأكتر من إبتسامتها وبالاخص لما أكون أنا السبب فيها
Thursday, September 27, 2007
Subscribe to:
Post Comments (Atom)
3 comments:
ربنا يفرحك و ما ينكدش عليك أبداً يارب
اخى العزيز اوس اوس
لا اعتقد انه سر اننى اكتب اليك تعليقى هذا _ وكنت اتمنى ان يكون اول التعليقات _ وتعلو وجهى ابتسامه كبيرة. ليس لاننى سعيد ام ازور مدونه انت صاحبها بل ايضا لاننى كنت متشوق لا ازورها عندما اخبرتنى انك قد ذكرتنى فيها
اوس اوس زين .... تاريخ طويل من الذكريات
من اللحظات
من الطاعات والحرص وحب الخير على بعضنا البعض
اوس اوس زين
اخى الحبيب البعيد القريب
مهما بعدت اعلم انه هناك واننى وقتما اريده ساجده
لهذا علاقتى بك مختلفة لانها تعترف باننا لسنا ملائكة ولانها تعترف اننا قد عاشرنا بعضنا فى الحياة اليومية فلا تصنع ولا تكلف
اعرف فيم يفكر وبم تحدثة نفسة , على الاقل عندى فكرة عامة
لابد ان اذهب الان , صلاة العصر
ايام مفترجة
انهى شغلى وما الى ذلك
الف مبروك على المدونه
والف مبروك على مشمش او لوزة
وتحياتى لزوجتك الكريمة
والسلام ختام
يااااااة
بجد يا سمسم
انا بحبك
كتير من الناس مش فهمة شكل العلاقة التى جمع بينا
انا اكيد استفدت منك كتير
ويارب اكون اضفت لك حاجة
http://malyelnaharda.blogspot.com/
مدونتى
محمد حنفى
Post a Comment